.
.
Dit is nie vergesog dat die Bokke in slegs twee van hul Wêreldbeker-wedstryde vanjaar in hul tradisionele groen truie gaan speel nie.
Dít boonop in hul “makliker” groepwedstryde teen Roemenië en Tonga, aangesien hulle weens Wêreldrugby se vereistes om kleurblinde mense tegemoet te kom in hul openingswedstryd op 10 September teen Skotland in Marseille in hul wegtruie gaan speel. Dit is dieselfde laslappiekombers-uitrusting as waarin hulle verlede naweek teen Argentinië in Buenos Aires uitgedraf het. Teen Ierland sal die Bokke in ’n wit trui speel.
As Suid-Afrika teen Frankryk of Nieu-Seeland in die kwarteindronde speel, sal ’n loting bepaal wie in hul tradisionele truie uitdraf en wie in hul wegtruie moet speel. As die Bokke as die “wegspan” geloot word vir hul kwarteindronde, sal hulle weer in hul laslappie-truie speel.
